- O estudo foi publicado na prestixiosa revista científica Angewandte Chemie e destacou como un Hot Article e Frontispiece
O traballo “Enantio- and Diastereoselective Copper-Catalyzed Allylboration of Alkynes with Alllylic gem-Dichlorides” do grupo Sustainable Catalysis and Asymmetric Synthesis liderado polo investigador principal do CiQUS Martín Fañanás acaba de publicarse recentemente na revista científica Angewandte Chemie International Edition .
Hot Article e Frontispiece
O artigo, que describe unha nova metodoloxía sintética para a preparación estereoselectiva de moléculas quirais altamente funcionais, foi destacado como Hot Article e, ademais, como portada de Frontispiece da revista.
Metodoloxía singular
Os autores describen neste estudo unha novidosa metodoloxía sintética que permite a preparación dunha familia de moléculas denominadas skipped dienes, que neste caso teñen a particularidade de ser estruturas quirais con múltiples elementos estereoquímicos. O alto grao de funcionalización e o excelente control da estereoselectividade conseguido mediante o uso desta metodoloxía fan que estas moléculas sexan interesantes estruturas ópticamente activas de gran versatilidade para a súa aplicación na preparación de diversos produtos homoquirais. Nesta metodoloxía, o uso dun ligando NHC quiral é clave para establecer unha interacción supramolecular "ligando-sustrato", determinando para o control da estereoquímica do proceso.
Referencia: Andrea Chaves-Pouso,Andrés M. Álvarez-Constantino,Prof. Martín Fañanás-Mastral; Enantio- and Diastereoselective Copper-Catalyzed Allylboration of Alkynes with Allylic gem-Dichlorides; Angew. Chem. Int. Ed. 2022, 61, e202117696. http://doi.org/10.1002/anie.202117696
