Aínda estás a tempo de unirte ao Campus Terra

Centos de universitarios chegados este curso ao Campus Terra da USC participaron este xoves na xornada de acollida a través da cal os servizos da USC presentaron ao novo alumnado a súa actividade e oferta formativa. Con todo, tamén houbo tempo para a festa grazas a un diverso programa de actividades culturais, entre as que non faltaron a animación musical, a zumba ou os petiscos de benvida.

Se ti tamén queres pertencer á gran familia do Campus Terra, lembra que aínda estás a tempo. O 19 de setembro publicarase a sexta listaxe de alumnado admitido e os días 20, 21 e 22 do mesmo mes debes formalizar a túa matrícula premendo neste enlace.

Se acabas de presentarte ás probas de selectividade do mes de setembro, lembra que debes preinscribirte nas titulacións do Campus Terra entre o 25 e o 29 do mesmo mes. O 6 de outubro publicarase a sétima listaxe de admitid@s e a matrícula realizarase os días 9, 10 e 11.

Ademais, no Campus Terra, grazas ao apoio da Deputación Provincial de Lugo, só pagas o 50% da túa matrícula en 10 titulacións de grao.

Agardamos por ti no Campus Terra!!! O teu futuro pasa por Lugo!!!