O Instituto de Biodiversidade Agraria e Desenvolvemento Rural (IBADER) acolle este xoves 7 de novembro, ás 18.30 horas, un acto de presentación de dúas monografías editadas polo propio IBADER e pertencentes á Seríe Biodiversidade e á Serie Pecuaria, respectivamente.
Cuestiones y problemas en genética de la conservación de Eduardo San Miguel Salán e La protección animal en las granjas porcinas de Carlos Folgar Ares, María E. Fernández Rodríguez, Jesús Cantalapiedra Álvarez, Alicja Kowalczyk, María E. Rodríguez Rodríguez e María M. Camiña García son as obras que centrarán o acto.
A sesión complementarase co relatorio 'Reflexións arredor da avaliación de proxectos que impactan no territorio', a cargo de Rebeca Blanco Rotea, pertencente ao Laboratório de Paisagens, Património e Território (Lab2PT), da Universidade do Minho. O acto terá lugar na aula Luciano Sánchez García.