En coordinación coa Universitat de Barcelona, o obxectivo fundamental do proxecto é o estudo do protagonismo das voces femininas (ficticias, pois non se conservan nomes de «trobadoras») e do seu espazo na lírica galego-portuguesa, sempre en relación coa lírica románica, atendendo ás súas principais representacións, e tendo en conta os ámbitos histórico e artístico nos que se enmarca.

• Web do proxecto

O obxectivo fundamental do proxecto é desenvolver unha ferramenta electrónica nova que conteña a transcrición paleográfica de todos os manuscritos da lírica trovadoresca galegoportuguesa. Dita ferramenta non se limitará a ofrecer unha transcrición dos textos (fiel e contrastable en todo momento coa reprodución dos códices orixinais, que se presentará ao seu lado), senón que tamén incorporará unha linguaxe de marcado que permitirá que os investigadores e interesados na poesía medieval realicen no corpus procuras de carácter paleográfico (e gráfico), lingüístico, codicolóxico, métrico e/ou ecdótico.

Máis información

Vinculado tamén ao Plan I2C da Xunta de Galicia (modalidade B), este proxecto quere implementar as dúas actividades precedentes coa elaboración dunha edición crítico-interpretativa do Livro d’Alveitaria portugués e completar, así, o seu “campo bibliográfico”. A partir das diferentes aproximacións á obra preténdese sentarse as bases para o deseño dunha edición dixital dese texto que sexan de aplicabilidade a cada un dos 173 manuscritos identificados que transmiten o De medicina equorum de Giordano Ruffo (do que o Livro é unha reelaboración) e poder, daquela, trazar os vectores da transmisión do primeiro manual de veterinaria do occidente medieval en empresas futuras e de maior alcance.

Vinculado tamén ao Plan I2C da Xunta de Galicia (modalidade A), esta actividade presentábase como continuación da precedente e buscaba profundar no estudo do cód. 2294 da BNP desde unha perspectiva arqueolóxica. Analizouse a materialidade e historia do testemuño, estudando a súa cronoloxía, confección, organización, contido, propietarios, e trazando hipóteses sobre as alteracións materiais que sufriu o volume despois de entrar na BNP.

Realizado ao abeiro do Plan I2C da Xunta de Galicia (modalidade A), este proxecto (que se viu afectado por unha baixa médica desde o 10/01/2014 ata o 12/11/2014) desenvolveuse na Universidade Nova de Lisboa. O obxectivo principal foi a elaboración dunha transcrición do Livro d’Alveitaria escrito polo Mestre Giraldo por encargo de Don Denis en 1318 e conservada no cód. 2294 da Biblioteca Nacional de Portugal. A pertinencia do traballo viña determinada pola necesidade de mellorar a meritoria, mais deficiente, proposta de Gabriel Pereira en 1909 co obxecto de proporcionar un texto máis fiable desde aquela aproximación paleográfica con vistas a unha posible incorporación da obra ao CIPM.

Estudo codicolóxico dos códices T e F das Cantigas de Santa Maria.

Máis información

Resultados

• Documental As ribeiras do Miño, o berce da lírica hispánica. Ver en Youtube: Galego | Castelán | Inglés
• CD Vai lavar cabelos na fontana fría. As orixes da lírica hispánica. Escoitar en Bandcamp.
• Libro Vai lavar cabelos na fontana fría. As orixes da lírica hispánica.
• Libro Transitando polas vías da lírica hispánica. A ruta dos trobadores.
• Diálogos sobre a lírica galega medieval (con Carlos Núñez e Mariña Arbor). Ver en Youtube.
• Pero Meogo cantado por Antoni Rossell. Ver en Youtube.
• Fragmenta Vai lavar cabelos na fontana fría. Ver en Youtube.

Patrimonio cultural de la Eurorregión Galicia-Norte de Portugal: Valoración e Innovación (GEOARPAD III-PILOTO 1-LÍRICA) abrangue o estudo da Historia, da Arte e da Literatura medievais co propósito de deseñar e elaborar produtos turísticos dixitais que permitan a participación activa dos seus usuarios.

Concretamente, o proxecto analizará unha serie de relacións que se constatan entre determinadas abadías cistercienses do sur de Galicia e o norte de Portugal, as familias nobres alí implantadas e a implicación destas na creación e promoción dos textos líricos galego-portugueses.

A iniciativa pretende poñer en valor o patrimonio material e inmaterial dunha zona da Península Ibérica inmerecidamente deprimida, que non só ofrece unha riqueza patrimonial senlleira senón que constitúe o berce dunha tradición literaria que guiou o canon da poesía lírica no centro e occidente ibéricos entre os séculos XII e XIV.

Os resultados obtidos no proceso de investigación divulgaranse mediante unha serie de materiais interactivos, audiovisuais e impresos creados para que os visitantes gocen e experimenten a Idade Media.

Investigador contratado

Manuel Negri (11/10/ 2017 – 30/11/ 2017).

Diseminación de resultados en coloquios e congresos

• Comunicación: D. González, “Agora me quer’eu ja espedir / da terra e das gentes que i son. Notas al descordo de Nuno Eanes Cerzeo”, VI C. I. de La SEMYR (Barcelona, 15-17/09/2016).
• Comunicación: D. González, “O universo poético de Nuno Eanes Cerzeo”,  XVII C.I. AHLM (Roma, 26-30/09/2017).
• Comunicación: D. González, “Hacia una cronología del debate gallego-portugués”. VI C.I. Convivio (Alicante, 23-25/05/2018).
• Comunicación: D. González, “Del manuscrito a la edición: los debates de los trovadores gallego-portugueses en los cancioneros B y V”, VII C.I. SEMYR (Salamanca, 4-6/09/2018).
• Comunicación: D. González, “Cantigas de escarnio y tenções. Joan Baveca, Pero d’Ambroa y Pedr’Amigo de Sevilha”, XVIII C.I. AHLM (Barcelona, 2-6/09/2019).

Bolsa posdoutoral da Fondation Maison de Science de l’Homme, para o estudo das Cantigas de Santa Maria de Alfonso X no Centre d’Études Supérieures de Civilisation Médiévale de Poitiers.