Créditos ECTS Créditos ECTS: 4.5
Horas ECTS Criterios/Memorias Traballo do Alumno/a ECTS: 74.2 Horas de Titorías: 2.25 Clase Expositiva: 18 Clase Interactiva: 18 Total: 112.45
Linguas de uso Castelán, Galego
Tipo: Materia Ordinaria Grao RD 1393/2007 - 822/2021
Departamentos: Psicoloxía Social, Básica e Metodoloxía
Áreas: Metodoloxía das Ciencias do Comportamento
Centro Facultade de Psicoloxía
Convocatoria: Primeiro semestre
Docencia: Con docencia
Matrícula: Matriculable
Con esta materia preténdese en esencia que o estudiante obteña unha visión das posibilidades de aplicación dos coñecementos da psicoloxía ao ámbito do deporte e a actividade física.
Historia e situación actual da psicoloxía do deporte e da actividade física.
Personalidade, actividade física e deporte.
Motivación e deporte.
Activación, ansiedade e estrés.
Utilización de reforzos no ámbito do deporte e da actividade física.
Dinámica dos grupos deportivos.
O proceso de comunicación no ámbito do deporte e a actividade física.
Básica:
Weinberg e Gould (2007). Fundamentos de psicología del deporte y del ejercicio físico. Buenos Aires: Editorial médica panamericana. https://www.casadellibro.com/libro-fundamentos-de-psicologia-del-deport…
Complementaria:
Olmedilla, Abenza, Boladeras e Ortín (2012). Manual de psicología de la actividad física y del deporte. Murcia: Diego Marín.
Competencias específicas da titulación ás que contribúe a materia:
CE1. Demostrar coñecemento e comprensión das funcións, características, contribucións e limitacións dos distintos modelos teóricos da Psicoloxía
CE2. Demostrar coñecemento e comprensión das leis básicas dos distintos procesos psicolóxicos
CE5. Demostrar coñecemento e comprensión dos principios psicosociais que interveñen no comportamento dos individuos e no funcionamento dos grupos e das organizacións
CE7. Demostrar coñecemento e comprensión dos distintos métodos de avaliación, diagnóstico e tratamento psicolóxico en diferentes ámbitos aplicados da Psicoloxía -clínico e da saúde, social, educativo-
CE8. Saber identificar as necesidades e demandas dos destinatarios nos diferentes campos de aplicación e establecer as metas da actuación psicolóxica
CE9. Saber identificar as características relevantes do comportamento dos individuos, grupos, organizacións e contextos mediante os métodos, técnicas e instrumentos propios da avaliación psicolóxica
CE10. Saber promover a saúde e a calidade de vida, a través dos métodos propios da profesión, nos individuos, grupos, comunidades e organizacións nos distintos ámbitos e contextos: educativo, clínico e da saúde, do traballo e as organizacións, grupal e comunitaria
CE11. Saber seleccionar e administrar técnicas e instrumentos propios e específicos da Psicoloxía
CE13. Saber transmitirlles aos destinatarios, de forma axeitada e precisa, os resultados da avaliación
CE14. Saber elaborar informes psicolóxicos en distintos ámbitos de actuación, dirixidos aos destinatarios e a outros profesionais
CE15. Saber axustarse ás obrigas deontolóxicas da Psicoloxía
Competencias específicas da materia:
(A) Coñecemento (coñecer e comprender ...)
1. Incorporar a perspectiva da psicoloxía do deporte e da actividade física á comprensión, avaliación e explicación do comportamento deportivo.
2. Coñecer e comprender a importancia dos procesos psicolóxicos básicos tales como a concentración, a activación, a motivación e a autoconfianza no comportamento deportivo.
3. Coñecer e comprender os principios psicosociais que interveñen no comportamento das persoas no contexto deportivo (liderazgo, comunicación, dirección de equipos, cohesión de equipo, dinámica de grupos)
4. Coñecer e comprender os métodos, deseños e técnicas de análise de datos utilizados na psicoloxía da actividade física e do deporte.
5. Coñecer e comprender os instrumentos e estratexias de avaliación e rehabilitación no eido da actividade física e do deporte.
(B) Habilidades e destrezas
6. Identificar mediante observación sistemática, medición psicolóxica ou entrevista, as necesidades e demandas dos deportistas e do contexto deportivo e establecer os obxectivos da intervención psicolóxica.
7. Identificar as características relevantes do comportamento deportivo a nivel individual e grupal mediante a utilización dos métodos, técnicas e instrumentos específicos da psicoloxía do deporte e da actividade física.
8. Saber promover un estilo de vida saudable que abrenga a totalidade da vida do deportista.
9. Saber administrar os distintos instrumentos de medida dispoñibles propios da psicoloxía da actividade física e do deporte.
10. Saber transmitir aos deportistas, técnicos deportivos e dirixentes deportivos os resultados da avaliación psicolóxica.
11. Saber elaborar informes sobre aspectos psicolóxicos relevantes no eido do deporte e da actividade física e saber comunicalo aos propios deportistas, a técnicos e dirixentes deportivos.
12. Tomar conciencia da obriga de respectar sempre os principios deontolóxicos da Psicoloxía no desenvolvemento profesional.
Intentaremos desenvolver o programa a través de tres canles: as clases expositivas, as interactivas, e as titorías personalizadas ou grupais. Todas as perspectivas son complementarias e permiten a formación individual pero tamén o traballo en equipo.
As clases expositivas consisten en sesións expositivas e / ou demostrativas de contido teórico da materia.
Para profundar e reforzar os contidos expostos, contémplanse clases interactivas que favorecen a adquisición das competencias específicas da materia, así como unha aprendizaxe significativa. Ademais, estas clases prácticas están destinadas a que os estudantes adquiran as habilidades procesuais e de investigación da materia.
As titorías son unha relación directa e presencial, para asesoramento continuo e profundización nos contidos teóricos e prácticos do traballo do estudante, así como responder a preguntas.
A avaliación nesta materia ten un carácter fundamentalmente formativo e será continua, iremos facendo probas cada pouco a medida que se vaian dando contidos tanto nas sesións expositivas como interactivas. Existe por tanto a posibilidade de obter a máxima cualificación sen exame final. O exame final queda reservado para aqueles estudiantes que non participaron na avaliación formativa, aqueles que queiran superar a nota ou aqueles que estiveran nalgún programa de intercambio durante o curso e non puideran asistir e participar nas actividades da materia. Ademais dos resultados das probas da avaliación continua poderanse obter puntos por traballos teóricos ou de campo, informes e participación en actividades grupais realizadas tanto nas sesións expositivas como interactivas.
De xeito máis concreto, as competencias 1-3 serán avaliadas mediante proba con preguntas seguidas de catro respostas a elexir a correcta e as competencias 4-12 mediante informes de prácticas, participación en discusións grupais, asistencia, exposición de traballos ou aplicación de métodos, deseños e técnicas de análise de datos propios da actividade física ou do deporte.
O exame final consistirá nuna proba do tipo preguntas seguidas de catro respostas a elexir a correcta.
Para os casos de realización fraudulenta de exercicios ou probas será de aplicación o recollido na Normativa de avaliación do rendemento académico dos estudantes e de revisión de cualificacións.
Unha media de 1 hora diaria para lecturas, repaso de apuntes ou realización de informes de prácticas e traballos de campo pode ser suficiente.
Seguiremos o manual de Weinberg e Gould (2007) e traballeremos cos apuntes de clase de cara aos exames e a avaliación formativa. Recoméndase a continuidade na asistencia e na participación nas clases expositivas e interactivas.
En función da situación sanitaria, as recomendacións para o estudo da materia pode sufrir cambios que a permitan adaptar a escenarios de docencia telemática ou de semipresencialidade. Se informaría a través da Secretaría Virtual da USC.
Plan de continxenciaa
Escenario 2: Distanciamento
Neste escenario, con respecto a metodoloxía de ensinanza, as clases impartiranse de xeito presencial e virtual, empregando a plataforma Microsoft Teams e o soporte do campus virtual da USC. En calquera caso, a docencia desenvolverase de xeito síncrono e prevalecendo a modalidade presencial sempre que resulte posible. O contido e desenvolvemento das clases expositivas serán os mesmos que na modalidade presencial, adaptando os materiais de soporte ao modo en remoto. No caso de sesións interactivas, estas realizaranse preferentemente de xeito presencial (mínimo o 50% das horas), seguindo a mesma metodoloxía que no escenario 1, combinando tarefas individuais e grupais. As titorías desenvolveranse preferentemente por vía telemática a través da plataforma TEAMS. Pola súa banda, o sistema de avaliación será análogo ao establecido no escenario 1, respectando asemade a ponderación alí establecida, e con preferencia presencial para a realización do exame.
Escenario 3: Peche das instalacións
En canto a metodoloxía docente, a docencia expositiva e interactiva será de carácter virtual, empregándose para iso a plataforma TEAMS e o Campus Virtual da USC. No caso das sesións expositivas, o seu contido será o mesmo que nos escenarios anteriores. En canto ás sesións interactivas, o contido adaptarase de xeito que os estudantes podan levalos a cabo de xeito non presencial. En calquera caso, a docencia desenvolverase de xeito síncrono. Os materiais necesarios facilitaranse a través do Campus Virtual da USC. As titorías desenvolveranse por completo de xeito virtual a través da plataforma TEAMS. En relación co sistema de avaliación da aprendizaxe, este será análogo ao indicado para o escenario 1 e 2 (respectarase a mesma ponderación sobre a nota), excepto que o exame se desenvolverá de xeito non presencial mediante a plataforma TEAMS e o campus virtual da USC.
De igual xeito a como sucedía no escenario 1, tamén nos escenarios 2 e 3 para os casos de realización fraudulenta de exercicios ou probas será de aplicación o recollido na Normativa de avaliación do rendemento académico dos estudantes e de revisión de cualificacións.
Constantino Arce Fernandez
Coordinador/a- Departamento
- Psicoloxía Social, Básica e Metodoloxía
- Área
- Metodoloxía das Ciencias do Comportamento
- Teléfono
- 881813795
- Correo electrónico
- constantino.arce [at] usc.es
- Categoría
- Profesor/a: Catedrático/a de Universidade
| Xoves | |||
|---|---|---|---|
| 16:10-17:00 | Grupo B | Castelán | Salón de Actos |
| 17:10-18:00 | Grupo A | Castelán | Salón de Actos |
| Venres | |||
| 13:10-14:00 | Grupo B | Castelán | Salón de Actos |
| 14:10-15:00 | Grupo A | Castelán | Aula 10 |
| 13.01.2022 09:30-12:00 | Grupo A | Aula 1 |
| 13.01.2022 09:30-12:00 | Grupo B | Aula 1 |
| 13.01.2022 09:30-12:00 | Grupo A | Aula 5 |
| 13.01.2022 09:30-12:00 | Grupo B | Aula 5 |
| 13.01.2022 09:30-12:00 | Grupo B | Aula 6 |
| 13.01.2022 09:30-12:00 | Grupo A | Aula 6 |
| 13.01.2022 09:30-12:00 | Grupo A | Aula 7 |
| 13.01.2022 09:30-12:00 | Grupo B | Aula 7 |
| 14.06.2022 12:30-15:00 | Grupo A | Aula 1 |
| 14.06.2022 12:30-15:00 | Grupo B | Aula 1 |
| 14.06.2022 12:30-15:00 | Grupo B | Aula 2 |
| 14.06.2022 12:30-15:00 | Grupo A | Aula 2 |
| 14.06.2022 12:30-15:00 | Grupo A | Aula 3 |
| 14.06.2022 12:30-15:00 | Grupo B | Aula 3 |