Técnicas de expresión oral e xestual: aplicación no ámbito académico

Unha das competencias máis determinantes no exercicio da profesión docente é a comunicativa, a capacidade de transmitir, conectar e comunicar dun xeito eficaz no relativo á transmisión de contidos pero tamén ao establecemento dun clima de aula e de relación interpersoal entre o alumnado e o profesorado e entre o propio alumnado. A competencia comunicativa é complexa, pois implica numerosos factores: a propia organización do discurso, a elección de mecanismos e procedementos, modulación da voz, xesticulación, combinación de elementos verbais e non verbais, etc. Neste curso abordaranse desde unha perspectiva eminentemente práctica e orientada á aula as habilidades comunicativas docentes.