Plan de Formación e Innovación Docente

As competencias en información son un conxunto de coñecementos, habilidades, actitudes e valores que nos van permitir resolver problemas relacionados coa xestión da información. O obxectivo deste curso é traballar as competencias necesarias en todo o ciclo da información científica: analizar as necesidades de información, fontes de información e metodoloxías de busca, organización e avaliación da información, realización dun traballo científico, comunicación científica e avaliación da ciencia. Todo no contexto dun investigador da USC. Así, estruturase en 6 módulos, cada un coa súa correspondente parte práctica, que será a base da avaliación da adquisición destas competencias por parte do alumnado. Ademais inclúe 2 sesión presenciais nas que se afondará na busca e xestión da información e no aumento da visibilidade do persoal investigador.

O obxectivo deste curso é adquirir os coñecementos e habilidades necesarias para un bo uso da voz como instrumento de traballo.

Os cuestionarios son ferramentas que nos permiten crear probas cunha serie de preguntas con diversos obxectivos, desde a autoavaliación á propia avaliación final dos estudantes. O Campus Virtual dispón da actividade Cuestionario, que permite construír probas empregando unha variedade de tipos de preguntas. Ao longo deste curso revisarase o seu funcionamento xeral e os tipos de preguntas dispoñibles. Tamén se revisarán mecanismos para axilizar esta creación a través dos formatos Aiken e GIFT, permitindo así utilizar preguntas creadas previamente.

Nos últimos anos a comunidade universitaria está a amosar unha crecente preocupación polo benestar psicolóxico do estudantado. Ademais da existencia na USC dun servizo de atención psicolóxica para atender os problemas que presentan os estudantes, con este curso tratarase de dotar de ferramentas para poder dar unha primeira resposta efectiva ante situacións de risco psicolóxico que se poden dar no contexto universitario e reducir a incerteza que con frecuencia aparece á hora de afrontar estas situacións.

Esta formación pretende servir como curso introdutorio na ética na administración pública e os valores asociados a esta. As administracións atópanse cada vez baixo un maior escrutinio e as esixencias de bo funcionamento e integridade son, como é lóxico, crecentes. Por isto, a ética colle un peso aínda maior se cabe como elemento guía da actuación no día a día do noso entorno laboral. Máis aló dos contidos asociados a este primeiro punto, o curso pretende tamén difundir os valores da USC, as súas ferramentas de prevención e empregar varios casos prácticos para axudar a comprender as implicacións dun comportamento non ético e os prexuízos que supón.

Unha das competencias máis determinantes no exercicio da profesión docente é a comunicativa, a capacidade de transmitir, conectar e comunicar dun xeito eficaz no relativo á transmisión de contidos pero tamén ao establecemento dun clima de aula e de relación interpersoal entre o alumnado e o profesorado e entre o propio alumnado. A competencia comunicativa é complexa, pois implica numerosos factores: a propia organización do discurso, a elección de mecanismos e procedementos, modulación da voz, xesticulación, combinación de elementos verbais e non verbais, etc. Neste curso abordaranse desde unha perspectiva eminentemente práctica e orientada á aula as habilidades comunicativas docentes.

Curso de formación na ferramenta de detección de Plaxio, Turnitin. O Obxectivo do curso é coñecer as utilidades e funcionalidades do programa antiplaxio Turnitin, así como as súas implicacións prácticas, creación de contas, clases, exercicios e o proceso de subida e revisión de documentos.

AQUAD é un programa de análise de datos cualitativos desenvolvido por Günter L. Huber en 1987. Está deseñado para axudar na investigación en áreas como psicoloxía, educación e socioloxía, permitindo traballar con textos, imaxes, vídeos e audios. O software está dispoñible baixo a licenza GNU GPL v3, polo que se pode descargar e usar de forma gratuíta. A versión máis recente, AQUAD 8, ofrece ferramentas avanzadas como codificación, anotación, busca de texto e análise booleano. Ademais, conta con módulos especializados para distintos tipos de datos, facilitando o traballo dos investigadores.

Curso de formación na ferramenta de detección de Plaxio, Turnitin. O Obxectivo do curso é coñecer as utilidades e funcionalidades do programa antiplaxio Turnitin, así como as súas implicacións prácticas, creación de contas, clases, exercicios e o proceso de subida e revisión de documentos.

O Design Thinking (DT) é unha metodoloxía iterativa para o desenvolvemento de proxectos en base a tarefas de empatía, definición, xeración de ideas, prototipado e experimentación. Esta metodoloxía foi desenvolvida en Standford e ten sido aplicada por numerosas empresas de éxito en todo tipo de sectores, dende o márketing á enxeñaría: Apple, Virgin, Toyota, etc. Mediante a aplicación dunha aproximación centrada nas persoas e baseada na realización de probas iterativas con prototipos acádanse solucións innovadoras e conectadas coas necesidades reais do usuariado. Con este curso preténdese que os participantes comprendan os fundamentos do DT, dominen as fases metodolóxicas para guiar o desenvolvemento de proxectos do alumnado e coñezan os instrumentos de soporte para a implantación de DT (técnicas de ideación, observación, prototipado rápido, entrevista, escoita activa, etc.).

Blender é un programa informático multiplataforma, dedicado especialmente ao modelado, iluminación, renderizado, a animación e creación de grafos tridimensionais. Tamén de composición dixital utilizando a técnica procesal de nodos, edición de vídeo, escultura (inclúe topoloxía dinámica) e pintura dixital.

Con esta formación preténdese dotar de ferramentas que permitan mellorar todos os aspectos da vida relacionados coa conciliación laboral e familiar, manexo do estrés e mellora do clima laboral.

A perspectiva de xénero achega un enfoque crítico imprescindíbel na investigación e que, ademais, é motor da transformación social. Este curso ofrece ferramentas teóricas e prácticas para considerar este enfoque.

O curso proporciona unha panorámica introdutoria aos principais debates e aspectos prácticos dás epistemoloxías feministas e queer. A través dás tres unidades propostas, achegase un conxunto de ferramentas prácticas que facilitan a inclusión e avaliación dá perspectiva LGBTI e Queer na docencia e a na investigación.

O curso consta dunha primeira parte onde se explicarán os fundamentos usados na construción de sistemas conversacionais de IA, o modo en que se entrenan estos sistemas e os servizos que aportan aos seus usuarios/as. Seguidamente, traballarase cunha serie de exemplos prácticos de uso para observar o potencial destas ferramentas, dando soporte a unha gran variedade de tarefas.

Coñecer as posibilidades das ferramentas TIC para o desenvolvemento das nosas estratexias didácticas, facilita e optimiza a nosa labor docente. No curso básico en ferramentas de creación de contidos faremos un percorrido polas ferramentas que nos permiten desenvolver contido didáctico, as súas vantaxes e posibilidades e a forma óptima de integralas na aula de xeito que poidamos achegarnos ao noso alumando con distintos enfoques e utilizando ferramentas e espazos de uso habitual por eles e elas.

Esta actividade formativa presenta unha visión integral de como a intelixencia artificial (especialmente a xenerativa) podería facilitar os procesos de transformación dixital da Educación Superior. Ofrécese un acercamento ao uso educativo desta tecnoloxía emerxente como recurso didáctico de apoio ao desenvolvemento de metodoloxías didácticas activas que promoven novos procesos no ensino e na aprendizaxe.

Este curso ten como obxectivo apoiar aos profesionais da educación a mellorar as súas habilidades en lingua inglesa, ofrecéndolles unha experiencia educativa máis eficaz e internacional. Os participantes fortalecerán as súas competencias en inglés e poderán aplicar estas habilidades nos seus roles educativos e no seu desenvolvemento persoal e profesional de acordo co nivel B2.

Seguindo unha metodoloxía participativa, ofrecerase aos participantes unha visión completa e detallada de cales son as distintas fases e compoñentes a ter en conta na elaboración de propostas de proxectos de cooperación e de innovación Erasmus+ e as claves para desenvolver cada una delas. Ao longo do curso, analizaranse as oportunidades de colaboración en proxectos do Programa Erasmus+ 2021-2027, traballarase cos formularios específicos das convocatorias proporcionando unha comprensión detallada dos mesmos e practicaranse con casos reais.

O curso consta dunha primeira parte onde se explicarán os fundamentos usados na construción de sistemas conversacionais de IA, o modo en que se entrenan estos sistemas e os servizos que aportan aos seus usuarios/as. Seguidamente, traballarase cunha serie de exemplos prácticos de uso para observar o potencial destas ferramentas, dando soporte a unha gran variedade de tarefas.

Con esta formación preténdese dar a coñecer o Protocolo fronte as Violencias Sexuais e o Acoso por razón de sexo, orientación sexual e identidade ou expresión de xénero na USC, así como trasladar ás persoas discentes os coñecementos precisos para poñelo en práctica e transmitir o seu contido.

O curso presentará a metodoloxía aprendizaxe-servizo no marco da educación superior. Deste xeito, nun primeiro módulo os/as asistentes poderán coñecer as potencialidades que ten a ApS e diferenciala doutras iniciativas pedagóxicas. Nun segundo momento, deberase deseñar un proxecto. Para isto, irase guiando as/aos participantes na súa construción vinculando as áreas de coñecemento de cadaquén e procurando a súa viabilidade.

Desde a recomendación da UNESCO de 2021, fóronse adoptando políticas de promoción da ciencia aberta a todos os niveis (europeo, estatal, universitario). Neste curso daranse a coñecer os principios e prácticas da ciencia aberta, as políticas europeas e estatais de fomento, a súa implicación na carreira do persoal investigador da USC, e os recursos e servizos que a USC pon ao dispor do persoal docente e investigador para aumentar e mellorar a visibilidade da súa produción científica.

Sesións de conversación de 40 minutos dirixidas por un/ha profesor/a orientadas á práctica da expresión e a interacción oral no nivel intermedio (B)

Curso presencial para promover o uso dos servizos de asesoramento á investigación da Biblioteca entre o PDI, especialmente os relacionados co autoarquivo no repositorio institucional Minerva. O obradoiro permitirá coñecer as ferramentas e funcionalidades para o autoarquivo de datos e publicacións en Minerva.

Python é unha linguaxe de alto nivel de programación interpretada cuxa filosofía fai fincapé na lexibilidade do seu código, está administradopor Python Sotware Foundation e posúe unha licenza de código aberto. Python experimentou nos últimos anos un auxe sen precedentes, dominando a escena das linguaxes de programación de propósito xeral. A aprendizaxe de Python é moi recomendable na actualidade debido ás súas vantaxes na automatización de tarefas administrativas, a análisede datos, o desenvolvemento de aplicacións web, a investigación académica, o ensino e titoría, a colaboración con outros profesionais e aadaptación ás últimas tecnoloxías. Aprender Python proporciona habilidades e ferramentas para mellorar a eficiencia, aproveitar datosinstitucionais, desenvolver proxectos académicos e manterse actualizado nunha contorna académica en constante evolución.

Trátase dunha acción formativa para reflexionar acerca da importancia da diversidade lingüística e cultural, a cal necesita da preservación e potenciación da lingua galega. Consecuentemente, estudarase a situación da nosa lingua e analizaremos como contribuír á súa mellora no ámbito docente dende as diversas sensibilidades e con coñecemento do marco legal, así como a establecer unha conduta lingüística propia e mantela de xeito respectuoso e asertivo.

En un contexto educativo en constante transformación, la formación en herramientas digitales y aplicación de tecnología educativa de manera coherente en el proceso de enseñanza-aprendizaje se ha vuelto esencial para garantizar una enseñanza universitaria dinámica, innovadora y eficaz. De esta manera, la propuesta del presente curso de formación ofrece al Personal Docente e Investigador (PDI) la oportunidad de descubrir y dominar nuevas tecnologías que optimizan el proceso de enseñanza-aprendizaje, favoreciendo una mayor interacción, personalización y eficiencia en sus clases. A través de este curso, el profesorado podrá explorar plataformas, aplicaciones y metodologías digitales que facilitan la creación de materiales didácticos atractivos, el seguimiento del alumnado y la evaluación del aprendizaje de manera más flexible y efectiva. Además, proporcionará estrategias innovadoras para mejorar la motivación y el compromiso de los estudiantes en entornos presenciales, híbridos y virtuales.

O obxectivo xeral do curso é contribuír ao Selo Europeo de Excelencia en investigación, dotando aos responsables dos programas de investigación e actividades de I+D, así como ao PDI interesado, de coñecementos sobre a lexislación actual nesta materia, de xeito que se optimicen as posibilidades de contratación laboral nas diversas convocatorias e programas.

A linguaxe estatística R, coa súa interface gráfica RCommander, é o software liberado baixo unha licenza libre, referente nos estudos estatísticos e é unha alternativa real ás diferentes solucións privativas para este tipo de estudos. O curso vai desde a instalación de RCommander, ata o manexo de datos, creación de gráficos, ou a realización de estudos estatísticos descritivos.

Este obradoiro de videocreación consiste nunha introdución práctica ao mundo audiovisual a través de diversas dinámicas e exercicios, mediante os cales traballaremos as diferentes fases da creación audiovisual, co fin de que as persoas participantes poidan aprender a xerar o seu propio contido.

Trátase dun curso de introdución nos principais aspectos relacionados coa planificación, deseño e creación de actividades virtuais para unha aprendizaxe activa.

A creación visual de composicións gráficas está ao orde do día. Sobre todo nestes tempos, onde a comunicación visual é esencial para achegar información en todo ámbito, dende a educación ou a información, ata a publicidade ou a presentación comercial. A infografía é outra forma de representación visual informativa na que se combinan diagramas visuais xunto con texto para resumir ou explicar figurativamente ideas e conceptos. Con este curso perséguese que os participantes adquiran as nocións e habilidades necesarias para a creación de elaboradas infografías coas amplas posibilidades que ofrece o mundo vectorial de Inkscape, e por suposto, coa propia imaxinación do creador. Ademais de aprender a usar este programa de edición, tamén se tratarán certos aspectos concretos sobre deseño gráfico. Non só se aprenderán a facer infografías, senón moitas outras composicións gráficas máis básicas, como sombras, gradientes, logotipos, sinais, etc, que logo completarán e formarán parte das propias infografías finais. Tamén se abordarán outros aspectos interesantes como a busca e obtención de imaxes (fontes de uso legal de imaxes para as nosas composicións), diferenciar entre imaxes de mapas de bits e vectoriais, cando usar unhas ou outras, como integralas nunha mesma composición, e incluso como transformar unhas imaxes dun tipo noutro.

A través deste curso preténdese dar ao alumnado unha visión xeral de normativa vixente referente á protección de datos, a súa aplicación práctica na investigación, e a específica situación na USC. Basearémonos no Regulamento UE 2016/679 e na LO 3/2018.. Analizaranse diversos casos reais e cotiás, tentando aportar solucións ás situacións problemáticas e axudar ao profesorado da USC na súa investigación, para evitar vulneracións da normativa e posibles sancións. Tamén se verán o papel das universidades neste eido e as específicas actuacións da USC no mesmo.

As modalidades organizativas (sesión expositivas, seminarios, laboratorio...) preestablecidas nas materias e os tipos de agrupamento, condicionan o tipo de traballo a realizar na aula co alumnado, polo que será necesario analizar e reflexionar sobre os métodos de ensino e as propostas de actividades, para en función dos grupos de estudantes, espazos e tempos, traballar os contidos e alcanzar os obxectivos previstos para a nosa materia mellorando os procesos de ensino e aprendizaxe.

Este curso amosa como a analítica da aprendizaxe permite saber o que fan os estudantes en escenarios dixitais. Preséntanse os catro tipos principais de analítica, introdúcese a alfabetización de datos a través do uso de follas de cálculo e discútese sobre as cuestións éticas e de privacidade. O obxectivo principal é que os mestres nos replantexemos a nosa forma de traballar nas plataformas dixitais e academos competencias clave neste campo.

O curso consta dunha primeira parte onde se explicarán os fundamentos usados na construción de sistemas conversacionais de IA, o modo en que se entrenan estos sistemas e os servizos que aportan aos seus usuarios/as. Seguidamente, traballarase cunha serie de exemplos prácticos de uso para observar o potencial destas ferramentas, dando soporte a unha gran variedade de tarefas

As competencias en información son un conxunto de coñecementos, habilidades, actitudes e valores que nos van permitir resolver problemas relacionados coa xestión da información. O obxectivo deste curso é traballar as competencias necesarias en todo o ciclo da información científica: analizar as necesidades de información, fontes de información e metodoloxías de busca, organización e avaliación da información, realización dun traballo científico, comunicación científica e avaliación da ciencia. Todo no contexto dun investigador da USC. Así, estruturase en 6 módulos, cada un coa súa correspondente parte práctica, que será a base da avaliación da adquisición destas competencias por parte do alumnado. Ademais inclúe 2 sesión presenciais nas que se afondará na busca e xestión da información e no aumento da visibilidade do persoal investigador.

Coñecer as normas de manipulación e almacenamento de productos químicos en laboratorios.

A actividade Tarefa en Moodle proporciona un espazo no que os estudantes poden enviar os traballos para ser avaliados e recibir comentarios. Ademais de integrarse dentro do Campus Virtual e das diferentes actividades realizadas en cada aula, non só permite aforrar papel, senón que simplifica e estandariza a recepción e avaliación dos traballos, en contraposición ao uso do correo electrónico. Ademais, a actividade Tarefa permite accións máis avanzadas, como realizar correccións cegas, permitir o envío en grupo ou establecer un fluxo de traballo (para que todos os estudantes reciban a cualificación á vez). Entre estas opcións destaca a posibilidade de usar rúbricas e guías de avaliación, ferramentas coas que realizar avaliacións obxectivas e estandarizadas de acordo a criterios específicos ligados aos obxectivos de aprendizaxe.

Curso presencial para dar a coñecer as implicacións das políticas europea e estatal de Ciencia Aberta na carreira do persoal investigador da USC e os recursos e servizos que a USC pon ao dispor do persoal docente e investigador para dar cumprimento aos mandatos legais de depósito en aberto.

Curso de formación na ferramenta de detección de Plaxio, Turnitin. O Obxectivo do curso é coñecer as utilidades e funcionalidades do programa antiplaxio Turnitin, así como as súas implicacións prácticas, creación de contas, clases, exercicios e o proceso de subida e revisión de documentos

Curso de formación na ferramenta de detección de Plaxio, Turnitin. O Obxectivo do curso é coñecer as utilidades e funcionalidades do programa antiplaxio Turnitin, así como as súas implicacións prácticas, creación de contas, clases, exercicios e o proceso de subida e revisión de documentos.

Aproximación ao apoio á inclusión na aulas na USC a través da presentación dos servizos que se ofrecen dende a propia estrutura (SEPIU) e recomendacións para o traballo na aula segundo as diferentes tipoloxías de discapacidade ou necesidades específicas de apoio educativo (NEAE).

A violencia no ámbito laboral, manifestada en abusos, ameazas e/ou agresións, pon en risco a seguridade, o benestar e a saúde das persoas traballadoras. Neste contexto, o presente curso ten como obxectivo sensibilizar ao persoal da Universidade de Santiago de Compostela (USC) sobre a importancia de fomentar unha convivencia saudable e proporcionar as ferramentas básicas para abordar posibles situacións de violencia no traballo. Ao longo desta formación, exploraranse os principios e valores institucionais que sustentan a convivencia na USC, facendo especial énfase na violencia como un elemento perturbador da harmonía das relacións interpersoais no ámbito universitario. Analizaranse as diversas tipoloxías de violencia psicolóxica e os posibles conflitos laborais que poden xurdir no día a día, así como as súas principais repercusións na dinámica organizacional. Ademais, afondarase no Protocolo de actuación fronte ao acoso psicolóxico, a violencia psicolóxica e outras situacións de conflito relacional no traballo da USC, detallando os pasos a seguir para a identificación, denuncia e intervención ante situacións de acoso ou violencia psicolóxica. Ao final da sesión, reservarase un espazo de tempo para resolver dúbidas e preguntas das persoas asistentes.

Sesións de conversación de 40 minutos dirixidas por un/ha profesor/a orientadas á práctica da expresión e a interacción oral no nivel avanzado (C1)

A aprendizaxe e a avaliación son procesos que van directamente conectados. O profesorado pode utilizar técnicas e prácticas concretas para promover estratexias de co-aprendizaxe que redunden en procesos de avaliación que rompan coas dinámicas tradicionais que aínda se realizan. Esta actividade formativa permite coñecer novas estratexias de ensino-aprendizaxe e, consecuentemente, novas posibilidades de avaliación no ensino superior.

Este curso está enfocado a proporcionar ao persoal docente os coñecementos e fundamentos prácticos para o deseño e posta en marcha dunha actividade de aprendizaxe colaborativa internacional (COIL). No marco desta actividade afondarase na metodoloxía de planificación e realización dunha experiencia COIL a, través da programación de medidas de aprendizaxe colaborativo entre estudantado de diferentes países, coa intervención e guía dos docentes que a promoven e que comparten o proceso de ensino. A actividade formativa proposta ten como finalidade proporcionar as habilidades e ferramentas que permitan ao persoal docente introducir a dimensión internacional no currículo das materias, favorecendo, a través dunha interacción virtual síncrona e asíncrona entre estudantado de distintas zonas xeográficas e culturas, a aprendizaxe e o desenvolvemento de competencias interculturais e interdisciplinarias. O curso combina sesións síncronas e traballo asíncrono entre pares con obxecto de deseñar un proxecto COIL para a súa posterior posta en práctica.

O curso analiza o novo Regulamento en materia de recoñecemento e transferencia de créditos para os estudos oficiais de Grao e Máster da USC, aprobado por acordo do Consello de Goberno do 24 de xullo de 2024. O curso facilitará as ferramentas precisas para a interpretación e execución da norma que entra en vigor o 1 de febreiro de 2025, a través da súa abordaxe teórica e práctica, dirixidas cara unha xestión procedemental máis áxil e centrada no estudante.

Aproximación ao apoio á inclusión na aulas na USC a través da presentación dos servizos que se ofrecen dende a propia estrutura (SEPIU) e recomendacións para o traballo na aula segundo as diferentes tipoloxías de discapacidade ou necesidades específicas de apoio educativo (NEAE).