O clúster en enerxías renovables de Galicia (cluergal) organiza o próximo día 8 en Santiago de Compostela a IV edición do foro de formación e emprego no sector enerxético, ENERFORUM 2025.
O Foro, que celebrou xa tres edicións, en Santiago (2022), A Coruña (2023) e Santiago (2024), concíbese como un punto de encontro entre empresas do eido enerxético e os profesionais interesados en formarse e/ou desenvolver a súa carreira neste sector. Este ano, o evento celébrase na Cidade da Cultura de Santiago, no marco dos Energy Days (https://energydays.es/) organizados esa semana tamén por Cluergal. Toda a información do evento pode consultarse aquí: IV Foro de Formación e Emprego ENERFORUM 2025 | Santiago 08/10 – CLUERGAL.
Para o estudantado do GrEQ: Avaliarase a asistencia e o aproveitamento do/a estudante (40%) e a adquisición de coñecementos mediante un cuestionario de avaliación que se entregará ao inicio da evento ás persoas inscritas (60%) e que deberá ser remitido á almudena.hospido [at] usc.es (almudena[dot]hospido[at]usc[dot]es) no prazo de 24 horas dende o remate da mesma.
Procedemento de inscrición en dous pasos:
- inscrición seguindo o enlace FORMULARIO DE INSCRICIÓN PARA O IV FORO DE FORMACIÓN E EMPREGO DE CLUERGAL indicando no apartado COMENTARIOS: AULA PROFESIONAL GrEQ
- correo a aula.profesional [at] usc.es (aula[dot]profesional[at]usc[dot]es) indicando no asunto AP04_25 ENERFORUM 2025