Lembra que a tese de doutoramento debe conter como mínimo os seguintes apartados: Resumo, Introdución, Obxectivos e hipóteses, Metodoloxía, Resultados e discusión, Conclusións e Bibliografía.
Deberás presentar a tese nun arquivo PDF tamaño A4 (desprotexido e sen sinaturas). Dispoñemos dun formato estandarizado de uso obrigatorio para que maquetes a cuberta, antecuberta, portada interior e declaración de conflito de interese da tese:
- Cuberta e antecuberta da tese. Ao final da aplicación elixe a opción "Xerar documento dixital". (Recoméndase o uso do navegador Firefox).
- Portada interior
- Declaración de conflito de interese.
O documento non pode ter marcas de auga e non debe conter máis do número de páxinas en branco imprescindibles, segundo as directrices de edición de documentos dixitais.
Así mesmo, recomendámosche seguir os criterios de homoxeneidade, lexibilidade tipográfica e facilidade funcional recollidos na guía de estilo para a elaboración de teses doutorais realizada polo Servizo de Publicacións e Intercambio Científico:
Non é preciso entregar ningún exemplar impreso da tese na EDIUS, aínda que a aplicación de cuberta e antecuberta xera un PDF para a versión impresa da mesma, por se a desexas. Para iso, deberás arranxar o PDF que entregues na EDIUS para adaptalo á impresión física.
Contacta con nós en: edius [at] usc.gal (edius[dot]teses[at]usc[dot]gal) se tes calquera dúbida.
Exemplos de teses con formato e estrutura idóneos conforme á normativa
[EN CONSTRUCIÓN]