El debate metaliterario en la lírica románica medieval
Investigador principal
Equipo investigador
Déborah González Martínez, Elvira Fidalgo Francisco, María Mercedes Brea López, , Santiago Gutiérrez García, M.ª Isabel González Fernández (USC), Ana M.ª Domínguez Ferro (USC), José Manuel Díaz de Bustamante (USC), Manuel Á. García Martínez (USC), Rosa M.ª Medina Granda (UNIOVI), Carlos Sánchez Rivas (CRPIH), Xosé X. Ron Fernández (CPI Pontecesures)
O obxectivo deste proxecto é estudar o debate metaliterario na lírica románica medieval dos séculos XII, XIII e primeira metade do XIV. Se ben esta etiqueta pon atención especial ao corpus textual que responde a unha reflexión consciente sobre a propia actividade trobadoresca, tomaranse en consideración, por unha parte, os textos as composicións satíricas ou paródicas que buscan a risa (ou o sorriso cómplice) do auditorio a través de ataques e burlas dos axentes poéticos, ben pola súa falta de calidades en todo o proceso asociado ao trobar (creación combinada de letra e música, pero tamén posta en escena do produto), ben polos motivos tratados (ou o modo de tratalos), e aquelas outras nas que o elemento fundamental é a actividade dialóxica, acompañada dunha preocupación real pola actividade desenvolvida ou como simple exercicio práctico de establecemento e defensa de principios. En ambos os dous casos, o resultado pode ser unha tenso (ou un joc partit) ou un cruzamento de pezas individuais.
Ambas as dúas modalidades (sirventés e composicións dialogadas), e a súa performance concreta en cada tipoloxía, contribúen a poñer de manifesto o carácter grupal da actividade trobadoresca, á vez que poden proporcionar informacións relevantes para coñecer mellor os contactos e as relacións existentes entre os autores, e mesmo, en ocasións, para situar personaxes para os que escasean as noticias documentais.
Actividade de difusión de I+D+i vencelladas:
Os membros do proxecto organizaron o coloquio internacional que tivo como título Parodia y debate metaliterarios en la Edad Media, durante os días 7 e 8 de novembro de 2012, na Facultade de Filoloxía da USC, ao abeiro da Asociación Hispánica de Literatura Medieval (terceiro encontro temático) e que tivo como fin a posta en común das investigacións que se estaban realizando servindo de canal de encontro con importantes investigadores de referencia de diferentes campos literarios.
Programa definitivo do coloquio [PDF, 528kb]
Nota bene: Até o 23/05/2012 o proxecto foi dirixido pola Dr.ª María Mercedes Brea López. Nesa data e con permiso escrito do Ministerio, o proxecto pasou a ser dirixido pola Dr.ª Esther Corral Díaz.