Tipos de tese

A tese monográfica é a tese "clásica": Aquela que estrutura o traballo de investigación nunha serie de apartados esenciais e fixos que deben incorporarse tamén no índice: Resumo, Introdución, Hipótese e obxectivos, Metodoloxía xeral, Resultados e discusión, Conclusións xerais e Bibliografía.  

Teses monográficas con contidos derivados de publicacións

Se a tese inclúe contidos derivados de publicacións realizadas durante a etapa doutoral, débese cumprir o seguinte:

AO COMEZO DA TESE

Incluír ao principio da tese unha relación das contribucións que aportan contidos a esta coas seguintes especificacións para cada publicación:

1. Referencia completa

• Título da publicación
• Nome e orde das persoas coautoras
• Filiación institucional de cada autor/a
• Nome da revista / Libro completo / Capítulo de libro
• Editorial
• ISSN/ISBN do libro, editorial ou revista, e DOI (se foi aceptado pero aínda non publicado)
• Ano de publicación

2. Indicios de calidade

• Nome da revista/editorial
• Factor de impacto (IF) no ano da publicación da contribución
• Posición na categoría (tercil ou cuartil no JCR ou índice similar relevante na área de coñecemento da tese)
• Outras métricas relevantes (Scopus, Scimago, JPI, etc.)

3. Indicación dos contidos nos capítulos da tese

• Indicar os capítulos da tese onde se reproducen ou usan contidos da contribución(s).

4. Contribución da persoa doutoranda na publicación

•  Descrición clara das tarefas realizadas, por exemplo: deseño do estudo, recollida e análise de datos, etc.

AO FINAL DA TESE - ANEXOS

1. Autorización das revistas ou editoriais

•  Presentar a autorización oficial das revistas ou editoriais para o uso do material/contidos na tese.
• Se non é posible obtela, indicar esta circunstancia e incluír a versión enviada polas persoas autoras principais antes da publicación ou outra acorde coa política de protección de dereitos de autor, explotación e autoarquivamento da revista/editorial que non contraveña os dereitos de explotación editorial.

2. Publicacións en acceso aberto

• Indicar o tipo de licenza de uso.
• Facilitar a ligazón á declaración de libre acceso por parte da revista ou editorial.

REDACCIÓN DA TESE

• Debe respectar a estrutura formal da tese.
• Non se poden reproducir literalmente as contribucións como capítulos ou bloques da tese.
• Os contidos de contribucións coautorizadas con outras persoas doutorandas:
  • Poderán empregarse integramente na tese os contidos desenvolvidos pola persoa doutoranda autora da tese.
  • Poderán usarse de forma resumida na tese os contidos que non foron desenvolvidos/realizados pola persoa autora da tese, co obxectivo de garantir a comprensibilidade e coherencia do traballo de investigación.

DOCUMENTACIÓN ADICIONAL

• Presentar no momento de solicitude de defensa a declaración responsable da persoa doutoranda:
  • Indicando que as achegas nas contribucións que dan contido á tese son orixinais e substanciais.
  • Identificando detalladamente a distribución das tarefas realizadas por todas as persoas coautoras da/s contribución/s.
• Este documento será asinado pola persoa que dirixe a tese de doutoramento.

Nota aclaratoria:

• Un bloque é un capítulo da tese redactado nunha soa lingua.
• Se un capítulo é extenso e se divide en subcapítulos, cada subcapítulo será considerado un bloque independente.

A tese por compendio de publicacións é a tese que agrupa un conxunto mínimo de 3 contribucións científicas, elaboradas durante a etapa da tese e publicadas ou aceptadas en revistas de:

• Prestixio nacional/internacional.
• Con revisión por pares.
• Incluídas en bases de datos recoñecidas (JCR, Scopus ou equivalentes CNEAI).
• Polo menos 1 publicación debe estar no primeiro tercil da súa categoría.
• En Artes e Humanidades / Ciencias Sociais e Xurídicas son válidos os libros ou capítulos con selo de calidade ou incluídos no Scholarly Publishers Indicators.

REQUISITOS DAS PUBLICACIÓNS

a) Coautoría

• Se non seguen orde alfabética, a persoa doutoranda debe ser a 1ª ou 2ª asinante.

b) Axuste ao plan de investigación

• As publicacións deben reflectir:
  • O plan de investigación da tese.
  • A adscrición á USC da persoa doutoranda.

c) Documentación obrigatoria que se deberá incorporar á SVA

• Declaración xurada indicando que as contribucións que forman parte da tese por compendio son orixinais e propias.
• Informe da dirección da tese indicando:
  • Conformidade coa modalidade de tese por compendio.
  • Xustificación de axuste da tese conforme ao plan de investigación.
  • Confirmación de que as achegas da persoa doutoranda nas contribucións do compendio son substanciais e relevantes.
• Renuncia expresa dos coautores non doutores ao emprego das contribucións nas súas propias teses.

ESTRUTURA DA TESE POR COMPENDIO

a) Resumo

b) Introdución

• Marco teórico.
• Xustificación de unidade e coherencia dos contidos da tese.

c) Hipótese e Obxectivos

• Hipótese(s)
• Obxectivos xerais e específicos.
• Indicar en que traballos do compendio se abordan.

d) Metodoloxía xeral

• Breve descrición da metodoloxía empregada de xeito integrado.

e) Resultados: Traballos publicados/aceptados

• Inclusión íntegra ou versión permitida segundo a política editorial.
• Para os traballos aceptados pero non publicados: Indicar DOI ou achegar certificado da editorial.

f) Resultados non publicados (opcional)

• Posibilidade de incluílos en capítulos adicionais nun bloque/sección titulado: "Resultados non publicados".
• Presentados en formato científico/de publicación.

g) Discusión xeral

• Unificación e coherencia dos traballos.
• Extensión: mínimo 5.000 palabras.

h) Conclusións globais

• Resultados principais da tese.

i) Bibliografía xeral

• Listaxe ordenada das fontes bibliográficas.

DEFINICIÓN

Tese vinculada a proxectos con participación de empresas, existencia de convenios de confidencialidade ou con potencial de xerar propiedade industrial (p. ex.: patentes).

PROCEDEMENTO

• Solicitude formal da persoa doutoranda, avalada polas persoas que titorizan e dirixen.
• Sinatura dun compromiso de confidencialidade e custodia avalado pola CAPD e aprobado pola EDIUS.
  • Este compromiso debe ser asinado por:

- A dirección e titorización da tese.

- As persoas avaliadoras externas.

- Os membros da Comisión Executiva da EDIUS.

- Os membros do tribunal avaliador da tese.

VERSIÓNS DA TESE QUE HAI QUE PRESENTAR

Versión reducida

• Esta versión é a que se incorpora á solicitude de defensa a través da SVA.
• Non incorpora os contidos protexidos/confidenciais.
• Preséntase á CAPD, deféndese publicamente e se deposita para consulta.

Versión estendida

• Inclúe todo o contido protexido.
• O acceso require acordo de confidencialidade.
• Entrégase só aos avaliadores externos, á EDIUS e aos membros do tribunal para a súa avaliación.
  • Previa solicitude, a persoa coordinadora poderá tamén ter acceso.
• As preguntas do tribunal sobre os contidos protexidos realizaranse en sesión estritamente privada durante o acto de defensa.

PUBLICACIÓN DA TESE

Se a tese é aprobada:

• A versión reducida publícase no repositorio institucional.
• Unha vez protexidos os resultados ou vencido o prazo de confidencialidade, substituirase pola versión completa.